Que tempo fará na Coruña este luns? Así arrinca unha semana de tempo moi cambiante

Néboa, sol, chuvascos treboentos... Os mapas do tempo coas previsións da Axencia Estatal de Meteoroloxía (Aemet) e Meteogalicia para os próximos días na Coruña traen un pouco de todo. Galicia atravesará unha situación intermedia entre as altas e as baixas presións, así que a predición meteorológia reflicte esa situación de inestabilidade que chega con cambios nos que aparecen días con moi baixa probabilidade de precipitacións pero tamén xornadas con algunhas choivas. A continuación detallamos que tempo fará cada día segundo os prognósticos dos organismos especializados.

Hoxe luns 20 de abril o día comezará con algúns bancos de néboa no litoral coruñés. Será en xeral unha xornada marcada pola estabilidade atmosférica, con alternancia de nubes e claros e con temperaturas máis baixas que as da fin de semana, posto que hoxe as mínimas quedarán en 10 graos e as máximas non superarán os 17 graos.

Para mañá martes día 21 tanto Aemet como Meteogalici prevén o regreso das choivas. A xornada arrincará sen precipitacións pero a partir do mediodía increméntase a probabilidade de chuvascos de tipo treboento. Chegan acompañados, iso si, dunha subida dos termómetros, que alcanzarán máximas de 25 ó 26 graos, así que o ascenso térmico será moi notable na Coruña.

O mércores día 22 decae de novo a probabilidade de choiva. Nin a Aemet nin Meteogalicia prevén de momento precipitacións ao longo desta xornada na que alternarán nubes e claros, e as temperaturas volverán a valores máis normais para esta época do ano, con máxima de entre 18 e 21 graos segundo as previsións de ambas as axencias meteorolóxicas, respectivamente.

E como virá a segunda metade da semana? O xoves día 23 mantense aínda unha situación de estabilidade atmosférica, con nubes pero con baixa probabilidade de choivas, aínda que Galicia entra nun período no que as baixas presións van situar ao oeste de Portugal, deixando un panorama de "inestabilidade atmosférica con tempo moi cambiante, con probabilidade alta de choiva, ata de carácter treboento, e temperaturas que non rexistrarán moitos cambios", segundo avanza Meteogalicia.

Seguiremos con atención a evolución dos prognósticos de Aemet e Meteogalicia para concretar o tempo que vén cada día desta semana na Coruña. Más información.