Ximo Navarro: "Hay un buen equipo, nos hemos reforzado con jugadores de nivel"

O lateral destro cre que o equipo ten "calidade para facer máis" se "lima un par de cousas", nun partido no que o cadro coruñés empezou mal cun gol aos 11 segundos, pero logrou un empate que cualifica como "un bo punto fóra de casa".

O almeriense considera que tras o tanto e, antes do segundo gol, o Dépor estaba a ser mellor: "Por futbol non estaban a ser mellor, tiveramos ocasións claras. Quizá a sensación é que o partido estaba a ser malo". Ao que engade que ten fe no persoal que se formou: "Hai bo equipo, reforzámonos con xogadores de nivel da categoría. É moi competitiva, os cambios soben o nivel para a segunda parte".

Navarro, ademais, falou de Yeremay, en quen confía sempre que debe executar un penalti: "A tempada pasado xa asumía os penaltis, É un xogador de moitísima calidade, moi frío para eses momentos". Tras un mercado movido, destaca a importancia que ten para o equipo: "É un baluarte, é unha sorte que estea connosco para axudarnos nun obxectivo grande. É unha sorte ter o mellor xogador da categoría". E engade: "Estou seguro de que fará unha gran tempada. O importante é que sexa feliz".

Tamén puxo en valor o partido de David Mella: "É outro xogador importante do Deportivo. Moi novo. Isto acaba de empezar. Todos imos ir aos poucos a máis. Tocoulle moito defender ao extremo deles que era rápido e potente. A segunda tirou para arriba e fixo unha segunda parte espectacular".

Ximo Navarro avanza aos poucos na súa posto a punto. Tras entrar de recambio por terceiro partido consecutivo, en Butarque sumou media hora de xogo. "Foi unha pretemporada complicada. Sabía que o comezo ía ser difícil. A esperar as oportunidades e adestrar ben para estar preparado. Tocoume saír no descanso e contento", explica sobre como está.