Netflix pon data á estrea da segunda tempada de 'Clans', a serie con Clara Lago e Tamar Novas gravada na Coruña e comarca

Netflix xa activou a conta atrás para o regreso de ' Clans'. A plataforma estreará a segunda tempada o próximo 3 de abril, recuperando un dos seus títulos españois máis internacionais. A ficción, producida por Vaca Films, volverá situar no centro do taboleiro a Ana e Daniel, interpretados por Clara Lago e Tamar Novas.

Entre as principais novidades da repartición destaca a incorporación de Luis Zahera, que se suma aos novos episodios tras o seu paso por outras series como 'Animal', tamén dispoñible na plataforma. Xunto a el repiten e completan o elenco nomees como Xosé Antonio Touriñán, Melania Cruz, Miguel de Lira, María Pujalte, Chechu Salgado e Diego Anido.

A primeira entrega converteuse nun fenómeno inesperado: foi a serie de fala non inglesa máis vista en Netflix na súa semana de estrea, alcanzou o número uno en 28 países e logrou entrar no Top 10 de 82 territorios. Un respaldo internacional que elevou a historia ambientada nas Rías Baixas a fenómeno global dentro do catálogo da plataforma.

A segunda tempada, escrita por Jorge Guerricaechevarría e dirixida por Marc Vigil e Javier Rodríguez, arrinca cun salto temporal de tres anos. Aínda que intentaron deixar atrás o seu pasado, Ana e Daniel volven quedar atrapados no mundo do narcotráfico, pero esta vez desde posicións opostas.

Daniel acepta saír ao mar “unha última vez” para axudar ao seu pai, mentres que Ana regresa a Cambados para colaborar co clan rival dos Padín, aínda sabendo que esa decisión pode precipitar tanto a caída da familia como o final definitivo da súa historia de amor.

A serie foi gravada, entre outras localizacións, na Coruña e a súa comarca.