Así foi a carreira de obstáculos de ENKI na Coruña

Así foi a carreira de obstáculos de ENKI na Coruña

A carreira que organiza cada ano a Fundación ENKI é moito máis que unha cita para promover a inclusión deportiva, a visibilidade de colectivos con diversidade funcional e o respecto e educación na diversidade. É a proba para «facer un mundo mellor», como se puido escoitar onte por megafonía xusto antes de que comezase o desfile de cor e diversión. Porque esta é tamén a carreira do enxeño: familias e amigos disfrazados de Mario Bros, de froitas, de ovos fritos, de vixiantes da praia, de superheroes e de monstros.