Yeremay segue á marxe do grupo no inicio da semana do Deportivo

O Deportivo, poucas horas despois de chegar de Donosti cos tres puntos no peto, realizou unha sesión que oscilou entre o traballo de recuperación para os futbolistas titulares e que tiveron máis minutos ante a Real Sociedade B e os menos habituais que deberon empregarse a fondo no céspede de Abegondo . Entre eses futbolistas non estaban no verde atopábase Yeremay Hernández, que segue con traballo personalizado e é dúbida para o duelo desta fin de semana ante o Granada. Todo dependerá da súa evolución e das súas sensacións esta semana no traballo ás ordes de Hidalgo e nas tarefas complementarias que está a realizar.

O técnico, salvo pola dúbida do canario, pode contar con todos os seus futbolistas para o duelo ante o Granada, xa que os apercibidos de sanción deixaron pasar por diante da porta a ameaza en Zubieta e estarán dispoñibles. Na sesión do luns, que precede á xornada de descanso para o grupo, os dous representantes da canteira no adestramento foron o goleador Bil Nsongo, quen xa é un habitual nestas dinámicas de traballo dos maiores, e Domínguez, futbolistas do Fabril que sempre foi importante nos plans de Manuel Pablo, xa fose partindo desde unha banda ou na punta de ataque. Regresou tras unha cesión ao Betanzos e está a reclamar protagonismo.