Cambre y la Xunta concretan su aportación para mejoras en los colegios de Sigrás y Lema

O Concello de Cambre e a Xunta concretaron as súas respectivas achegas para obras de mellora dos colexios de Sigrás e Lema. A alcaldesa, Diana Piñeiro, e o xefe territorial de Educación, Indalecio Cabana, realizaron nos últimos días unha visita de inspección a varios centros do municipio para coordinarse de cara ás actuacións que necesitan.

En colexio de Sigrás, alcanzouse «un principio de acordo» polo que o Concello executará «arranxos concretos da súa competencia e a Xunta, como titular das competencias en Educación, comprometeuse a realizar obras de maior envergadura» que concretará «nos próximos meses», informa o Concello. En Lema, a Xunta executará «reformas importantes» como a reparación ou renovación dos baños, o cambio da porta principal, a substitución do equipo de aire acondicionado do comedor e unha revisión completa da instalación eléctrica.