María Pan, exalcaldesa de Cambre, declara como investigada

María Pan, exalcaldesa de Cambre, acudiu esta mañá ao Xulgado de Instrución número 5 da Coruña para declarar como investigada no caso polas horas extras da Policía Local. A candidata de Unión por Cambre ás próximas eleccións municipais é a segunda rexedora que está investigada no proceso, xunto co seu predecesor Óscar García Patiño.

O xulgado investiga os presuntos pagos irregulares do Concello de Cambre á Policía Local, por mor dunha denuncia do fiscal xefe da Fiscalía Provincial. O Ministerio Público viu indicios de delitos de prevaricación e malversación, e sinalou como “presenta sospeitosa” ao exalcalde Óscar García Patiño, que prestou declaración en xuño de 2024. O seu avogado asegurou tras a súa comparecencia que "a denuncia é falsa" e que o exregidor actuara segundo a legalidade.

No momento dos feitos, en 2023, María Pan era a responsable de Economía, Facenda e Réxime Interior. En 2024 alcanzou a Alcaldía de Cambre por Unión por Cambre, tras a dimisión de García Patiño e dimitiu apenas un ano despois sinalando que non podía avanzar no seu programa de goberno pola oposición. 

Aínda que inicialmente o xuíz rexeitara chamala a declarar como investigada, unha das partes pediu ao maxistrado hai uns meses a volver considerala como tal. O equipo xurídico da exalcaldesa pediu presentarse na causa a principios de xaneiro deste ano. Fuentes coñecedoras do proceso apuntan que a exregidora negouse a contestar as preguntas da representación do Concello de Cambre durante a súa declaración.

Pan non quixo dar declaracións á súa chegada ao xulgado este luns, pero cando se coñeceu a súa condición como investigada o pasado mes de decembro afirmou que tiña o "máximo interese de que se depuren as responsabilidades" neste caso. "Sorpréndeme que este procedemento coincida cando se sabe que vou ser a candidata nas próximas eleccións municipais", apuntou a candidata de Unión por Cambre á Alcaldía.

Ademais de Pan e García Patiño, nas dilixencias previas da causa tamén declararon como investigados exxefe de Policía de Cambre, cuxo nomeamento por designación libre está no centro da investigación, e dous axentes máis da Policía Local.

Outra investigación aberta

O Concello de Cambre está presentado como acusación particular neste caso, así como na investigación que leva a cabo o Xulgado de Instrución número 3 da Coruña polo uso de contratos verbais polo Executivo de Unión por Cambre, desde a chegada ao Goberno local do Partido Popular en abril de 2025. Desde o Executivo destacan o seu "máximo respecto da xustiza e ás decisións xudiciais".

"É responsabilidade deste goberno velar e defender os intereses de Cambre nun asunto moi serio que atenta gravemente ás arcas do noso Concello. Esperamos depúrense responsabilidades e repárese o dano ocasionado", expresaron fontes do Goberno cambrés cando se coñeceu a declaración de María Pan.

Xa foron varios os xulgados que desestimaron a petición dos policías locais polo cobro destas horas extras. Ata en nove ocasiones a xustiza considerou que non se acreditaron que se realizaron horas fóra da xornada ordinaria. Na maior parte das sentenzas sinálase que tampouco se pode acreditar que os policías realizasen tan sequera as 37 horas e media de xornada.