A Xunta de Goberno da Coruña aproba unha expropiación no Castrillón por valor de 455.000 euros para ampliar o viario

A Xunta de Goberno Local da Coruña aprobará este mércores a expropiación dun conxunto de vivendas unifamiliares na rúa Montes para ampliar o viario da zona e executar accións de mellora urbanística. As primeiras cifras indican que o valor da operación roldaría os 455.000 euros. O enclave destas casas, que serán demolidas para facilitar as obras, sitúase fronte ao IES Monelos. O grupo de vivendas presenta aspecto de deshabitado e en varias delas tanto fiestras como portas están tapiadas.

No principio do ano, parte do mesmo tramo de casas que serás expropiadas protagonizou un corte de tráfico para garantir a seguridade cidade. No mes de febreiro, os Bombeiros da Coruña alertaron dun edificio abandonado con "perigo inminente de derrube ou colapso" na rúa Montes, fronte ao instituto. Os efectivos do servizo de emerxencias acudiron a esta travesía e realizaron o corte da vía pública ao atoparse na contorna dun centro escolar.

Este grupo de vivendas foi o epicentro de pequenos incendios hai unha década, cando sucederon varios episodios de ocupación pese ao xa por entón estado avanzado de abandono. Naquel momento, a asociación de veciños de Oza Gaiteira-Vos Castros xa expresou a súa preocupación "pola deterioración" das casas e, entre outros edificios da rúa Montes, polo antigo concello de Oza.