Inés Rey cancela su agenda pública y traslada sus “condolencias” a los afectados por el accidente de tren de Toledo

Membros da Corporación municipal da Coruña, encabezados pola alcaldesa, Inés Rey, participaron xunto a cidadáns na tarde deste mércores nun minuto de silencio na praza de María Pita en recordo ás vítimas do accidente de ferrocarril de Urda. Rey, que cancelou a súa axenda pública do mércores, expresou as súas «condolencias e pésame ás familias dos falecidos» tras suspender a rolda de prensa que convocara para abordar asuntos municipais.

A alcaldesa limitouse a sinalar que se trataba de «un día tremendamente triste». «Estamos impactados», dixo, á vez que enviou o seu «apoio e agarimo aos feridos e familiares». Como vicepresidenta da Federación Española de Municipios e Provincias, Rey anunciou nese momento a celebración do minuto de silencio, ao que invitou a sumarse á Corporación e a cidadanía