Carles Manso: "O Dépor é un equipazo cunhas individualides magníficas"

Carles Manso, adestrador do Andorra, eloxiou ao Deportivo, o rival do domingo (14 horas) en Riazor, do que dixo que "é un equipazo cunhas individualidades magníficas". O FC Andorra chega ao partido co único obxectivo de sumar xa os 59 puntos, que será a súa máxima puntuación no futbol profesional. "Para nós é un pracer e un orgullo visitar un estadio histórico como é Riazor. A todos tennos que gustar ir alí e xogar este partido e máis no ambiente que haberá xa que se están xogando o ascenso directo. É unha oportunidade magnífica para conseguir estes 59 puntos e así superar a nosa propia marca en segunda división. Así pechar está tempada do mellor xeito", engade.

O técnico egarense, que reaparece despois de un partido de sanción, espera un rival ofensivo: "Esperamos un Deportivo con necesidade de gañar. Sométenche con balón. Despois de combinar e estes pases curtos en campo rival teñen bos xogadores bos por fóra cun bo un contra un. Intentaremos sacarlle o balón para que sufran. Non creo que se poñan encerrados a atrás e nós seguiremos igual. Ten pinta que será con alternativas e con moitas ocasións".

Os do Principado recuperan a Lautaro De León, dianteiro uruguaio criado no Celta. O FC Andorra non quere pensar en relaxacións de ningún tipo. "Cando falamos da urxencia que ten o Deportivo é que se trata de equipos que non afrouxan. Gañámonos o respecto de todos e eles poden ver que é un partido complicado. Témonos que respectar a nós mesmos e non o poremos fácil. Non nos deixaremos ir e seguiremos competindo como sempre"