Germán Parreño: "Din que quen algo quere, algo lle custa e a nós custounos moito, pero quixémolo aínda máis"

"Isto é emoción, é adrenalina, é unha tolemia... Unha auténtica barbaridade". Germán Parreño apenas podía falar ao termo do Valladolid-Deportivo no José Zorrilla. Emocionado, sacou forzas para acordarse da súa muller e os seus fillos, que non puideron acompañarlle no partido decisivo polo ascenso. "Penso en como sumou a xente desde a sombra, como nos acompañaron, como traballaron… Os que están o foco e os que non, vai por todos eles", indicou o porteiro deportivista.

A nivel persoal, o porteiro do Dépor dedicoulle o ascenso a Javi García, o seu "ídolo": "El ensinoume a vivir isto con paixón. A traballar e traballar desde o lugar que toque. Dicía que quen algo quere algo lle custa e custounos moito, pero é que o que quixemos aínda máis".