Mujeres en el Rural en Celas: «Es un día para festejar con nuestras familias»

O Día das Mulleres no Rural celébrase de especial xeito este 11 de outubro na parroquia de Celas, en Culleredo. E é que o Concello, xunto coa asociación As Berenguelas, organiza unha xornada dedicada exclusivamente a elas.

Uxía España, da asociación, explica que o evento ten no centro ás socias e as súas familias, que normalmente non poden gozar das actividades que ofrece a entidade, aínda que todo o mundo é benvido. «Este día é para festexar coas nosas familias e estar todas reunidas. Pero sobre todo, para reivindicar o noso obxectivo de reivindicar ás mulleres rurais», di a técnica da entidade.

A técnica afirma que aínda queda moito camiño para poder superar as barreiras ás que se enfrontan estas mulleres, entre elas, as dificultades para desprazarse ata o centro de traballo, para conciliar a vida familiar e laboral ou para acceder a servizos básicos que si existen nos centros urbanos. «Desde a asociación intentamos achegar todo iso que nos queda un pouco lonxe», indica.

En Culleredo, esta misión céntrase sobre todo en achegar actividades culturais e ou as relacionadas coas áreas de saúde e benestar a parroquias como a de Celas. «Cando empezamos coa directiva o que máis nos pedían as socias eran ceas-baile, porque lles gusta moito a música e bailar», di a técnica que engade que a maioría destes eventos adoitan ter lugar máis no Burgo, ou en Vilaboa, núcleos máis urbanos do municipio e para os que as socias, na súa maioría sen coche, teñen máis dificultade para chegar.

España defende o labor da entidade como unha peza crave para que estas mulleres, na súa maioría presentas maiores, poidan gozar do mesmo que quen vive no centro do municipio. «Grazas ás cousas que estamos a facer, se visibiliza máis a situación das nosas socias. Loitamos para que as cousas poidan mellorar e, a través desta visibilización esperamos que as condicións das mulleres que viven no rural poidan ir mellorando aos poucos», sinala a técnica.

As 100 socias que forman parte da asociación Berenguelas gozarán o próximo 11 de outubro en Torre de Celas desde as 13.00 horas dun concerto da cantante Sheila Patricia. Na comida serviranse este ano por primeira vez opcións veganas, ademais da tradicional paella. A música volverá arrincar a partir das 16.00 horas con actuacións de Voces Veteranas de Culleredo, Xacarandaina, Silvatuxeiras, Encoradoira e Larpeiros de Altamira, seguidas por unha foliada libre para todos. Ademais, os asistentes poderán gozar da feira de artesanía durante todo o día.