A Audiencia arquiva a denuncia de Betanzos para investigar a orixe do foco de gastroenterite

A Audiencia Provincial ha decretado o arquivo da denuncia interposta polo Concello de Betanzos para intentar dilucidar as causas do surto de gastroenterite rexistrado en 2023, que obrigou a interromper case un mes a subministración e afectou a máis de medio milleiro de persoas. O Concello brigantino recorreu aos tribunais para aclarar se esta situación de emerxencia tivo a súa orixe nunhas verteduras detectadas no río Mendo.

Nun auto que acaba de facer público, o Alto Tribunal conclúe que non existen indicios suficientes para proseguir coa causa nin para determinar que o surto foi consecuencia dun deficiente funcionamento das estacións depuradoras de Mondoi e Maial. A causa péchase tras prestar declaración axentes do Seprona e a alcaldesa, María Barral, que apelou á existencia de informes que non foran facilitados ao Consistorio por Augas de Galicia que dan resultados positivos en norovirus á saída das depuradoras do Concello de Oza-Cesuras e de Curtis, aínda que deixou claro que o seu recurso non ía dirixido contra estes consistorios, senón que o obxectivo era dar coas causas para que non se repetise un episodio similar.

Precisamente este surto de norovirus propiciou a convocatoria dun pleno extraordinario en Oza-Cesuras tras constatar un informe do Seprona unha serie de deficiencias nas depuradoras.