Bergondo abre sus presupuestos a las propuestas de la ciudadanía

O Concello de Bergondo volveu a abrir á cidadanía as contas municipais coa convocatoria dos orzamentos participativos para o exercicio 2027. Trátase da novena edición desta iniciativa que, do mesmo xeito que en anos anteriores, reserva unha partida de 100.000 euros para financiar a mellor das propostas recibidas.

Todas as persoas empadroadas ou que residan en Bergondo poderán presentar propostas que sexan viables e que a súa execución dependa do Concello e non doutras administracións. Tamén han de responder o interese xeral ou dalgunha das parroquias do municipio. No entanto, desde o Concello apuntan que no caso de que existan outras porpuestas que poidan resultar interesantes pero que non encaixen neste proceso "teranse en conta para incluílas noutros paquetes de investimento ou en solicitudes de subvención a outras administracións.

Para participar no proceso, o Concello distribuíu un formulario cos datos necesarios a cubrir que pode ser entregado no Rexistro, a través da sede electrónica, nas caixas de correos dos centros sociais de cada parroquia ou por correo electrónico a correo@bergondo.gal . As persoas interesadas dispoñen ata o 23 de outubro para enviar as súas propostas. O día 30 darase a coñecer a proposta gañadora.