Mascotas como terapia: «Los animales nos ayudan a modular el dolor»

«É certo que a convivencia con animais axuda a mellorar o dor pero sempre baixo unha serie de circunstancias e criterios», explica o veterinario e etólogo Óscar Beceiro, que este sábado, a partir das 17.00 horas, no salón de actos do Colexio de Veterinarios da Coruña (María Puga Cerdido, s/n) ofrecerá unha charla sobre como os animais poden resultar terapéuticos.

Se sempre hai que pensarllo dúas veces antes de abrir as portas a un animal, moito máis cando a familia espera del un rendemento concreto. «Se hai unha incapacidade ou unha dor crónica hai que fiar máis fino na elección para que a cousa salga ben», relata Beceiro, que será o encargado de dar esta charla organizada pola liga Reumatolóxica co colexio de veterinarios, e que dá inicio ás actividades do Mes das Enfermidades Reumáticas. Os animais axudan de moitos xeitos e con doenzas diversas. «En caso da motivación ou de falta de acción física, por exemplo, se teño un can teño que adquirir o hábito de sacalo varias veces ao día, teño que moverme e relacionarme con outras persoas, isto ten unha repercusión sobre o peso, sobre o teu rendemento cardiovascular, sobre as túas articulacións que é onde a dor crónica máis nos amola e outra parte é a saúde mental e emocional, porque o vínculo cos animais desencadea toda unha serie de mecanismos moi complexos que axudan a modular a dor. Auméntannos a serotonina, a dopamina, a oxitocina... Se temos un vínculo ben construído cun animal é moi probable que teñamos maior produción destas sustancias e axúdennos a sentir menos dor porque nos fan sorrir e iso é analxésico», comenta Beceiro, que incide na importancia de elixir ben o animal que non necesariamente teñan que ser gatos e cans.

Para unha persoa cunha gran incapacidade, un bo compañeiro pode ser un paxaro ou un acuario bonito cheo de peces que lle achegue paz e tranquilidade, incluso hámsteres ou coellos. «Iso de ‘mamá está mal e regalámoslle un can para obrigala a que pasee’ pode saír mal, porque a persoa ten que estar de acordo e querer involucrarse no coidado», resume Beceiro, que asegura que hai moitos animais en busca dun novo fogar.

Subscríbeche para seguir lendo