Cambio de localización da cea das penas do Deportivo de final de tempada: non será en Riazor

Unha das imaxes do fin de tempada no Dépor era a celebración en Riazor da cea de Peñas, pero nesta ocasión non terá lugar nas bancadas.

A súa localización habitual era o oco de Marathón, pero o club non pode proporcionarlles ese espazo porque aínda está a arranxar algunhas desfeitas do domingo pasado e porque, por razóns de seguridade, aínda debe identificar a quen causou danos en parte do mobiliario. Ante o contratempo, ofreceulles un espazo, detrás da bancada de Pavillón coa instalación dunha carpa, sufragada pola propia entidade. Barallouse emprazalos noutros recintos deportivos pero a propia actividade da cidade impedíao.

A Federación de Peñas optou por buscar unha localización alternativa para situar aos 215 deportivistas que asistirán, algúns de fóra de Galicia, e xa o teñen practicamente pechado. O encontro será este sábado.