Hidalgo pásase o domingo espiando ao Celta en Balaídos

O Deportivo non regresou cedo do seu partido en Barcelona ante o Espanyol, pero Antonio Hidalgo non quixo perder o domingo e por iso madrugou para marcharse a Balaídos para seguir en directo o Celta-Levante que acabou cun 0-0 no marcador que xerou máis satisfacción nos granotas que nos olívicos. Non había adestramento e o luns tampouco o haberá para o primeiro equipo masculino, co que non había mellor plan que coller a AP9 e solicitar información en directo dun dos próximos rivais da entidade coruñesa.

O derbi no horizonte

O técnico de Canovelles xa sufriu en directo a un Levante que foi capaz de levar un punto de Riazor tras un fallo de Leo Román, pero nesta primeira volta aínda queda vivir en persoa o regreso dos derbis galegos en Primeira División oito anos despois e está a se preparar xa para ese partido que se disputará na primeira semana de 2027 en terras olívicas. O choque en Riazor quedará para a segunda volta. No palco no que estivo situado e no que foi cazado por cámaras indiscretas, estivo acompañado por un dos seus axudantes, por Ignasi Salafranca.